Mask

唔知返工係咪會令一個人轉變呢，近排覺得自已好似對同事一張咀臉，對朋友又係另一個樣。對同事時口又好似越黎越花咁...(真實我唔係多野講既人黎)
做野其實唔係好支力，但係係公司無時無刻怕講錯野打醒十二分精神，呢個真係好煩。

職場如戰場

返左工個幾月，開始了解自已dept既野，雖然做野都好多nut漏，搞到同事要幫我做較對，整體而言都不過不失既。(我諗)
職場如戰場呢句野真係形容得好好，一不小心就炸到你死死地。話說同個同事A吹開水，問下平時有乜興趣咁，點知佢就係咁幫我改左個花名，仲要就圍同人唱。我心諗唔係咁幼稚下話，幾大呀？(佢仲大過我)
你話朋友玩下都算啦，但係又唔係真係熟到咁快就做到講笑既朋友。發左火都唔識收(有意無意咁講D說話比佢聽，不過佢都係繼續講)。
雖然話打狗都要睇主人，不過依我觀察又唔見得佢有燈照住。
之前既fd底(呀B)(同一公司,但唔同dept)都好似變左人咁，係咁套你料，自己就擺明做緊保護主義，同你打下太極。(我心諗你同我做既野都無衝突，做乜到好似果D補習補得成績好既小朋友既家長咁，生怕你搵佢個補習老師)
最吊詭既係話就話fd，不過呀B就同D識左無耐既同事A一齊玩你。
(呀B係出面既評價唔好都係最近先知...真係捉蟲)

做Survey

第一次做Survey,我用觀察者既身份參加。
由發起人帶我們一堆人四圍行，上至天台下至basement都行晒，機房、水pump房等。以前睇戲就睇得多(通常爆炸都係機房)，搞到我行入機房都驚驚地。
同行者大多都有ENG底，佢地提出既問題我以前諗都無諗過。
E.G.房間既物料、水pump既度數、發電機既maintance record。聽完都幾佩服佢地既專業。
Site就去完，份report我諗又有排度。

零食

係Office做野，不可不提零食，尤其是成個辦公室都係女人既時候。零食就更加重要。

作為一個剛踏入社會工作既蕃薯桔黎講，雖然自己對零食不是很熱衷，但有時都會買D返黎，唔係比自己食，係請同事食。

哄得班女士們開心，自己既日子都好過D。就算無乜野，拎D野食出黎Tea一Tea吹下水，自己都會快D融入同事既圈子。

蕃薯桔工作桌必備之一：零食。

靈？！

前排班公僕上街要求加人工，令我不奇然醒起鄉議局主席劉皇發幫香港求既簽。(仲比我搵到般新聞)

"下籤 內有家鬼，自身不安，家宅不吉，求財不遂。"

03年沙士及50萬人上街後，下籤再現「28.01.2009.」

一支車公廟下籤，為港人揭開己丑牛年的序幕。昨日是大年初二車公誕，行政會議新貴、新界鄉議局主席劉皇發按傳統為香港前景求籤。發叔拿着籤筒搖呀搖，跌出第27籤下籤，解曰「內有家鬼，求財不遂」。

玄學家解釋籤文預示官員不濟、政策一事無成。首次求得下籤的發叔說：「車公好靈。」寄語港人要團結和諧。這是2003年後，香港再次求得下籤。新任行會成員兼鄉議局主席劉皇發為香港求得下籤，他認為籤文是提醒全港市民要團結和諧，便可度過難關。

身穿米黃色唐裝的劉皇發，昨晨8時許在沙田鄉事委員會當然委員蔡根培等鄉紳陪同下，來到大圍車公廟。他先上香祈福，再和蔡根培一起跪下求籤。約十秒後，蔡根培先為沙田求得62籤下籤，解曰「凡事不利」。這時，發叔仍在搖動籤筒，約半分鐘後，終跌下第27籤，是一支下籤。發叔面色一沉，但不動聲色，在一眾鄉紳簇擁下往轉風車，擾攘了一會才開始解籤。

車公廟的籤筒共有96支籤，上籤35支、中籤44支、下籤只有17支。第27籤的籤文是「君不須防人不肖，眼前鬼卒皆為妖，秦王徒把長城築，禍去禍來因自招」，解曰「內有家鬼，自身不安，家宅不吉，求財不遂」。現場的解籤師傅李先生說，籤文寓意香港受外來因素影響，但港人有拼搏精神，只要樂觀、審慎面對，預計下半年各行各業會比上半年好。鄉紳分別為香港（右）和沙田（左）的前景求得下籤。

雖然玄學既野我唔識，但係有時都幾準。

公僕逼上街
鼓吹外判摧毀士氣
(秦王徒把長城築，禍去禍來因自招。我解為政府請外判、三加三聘用制度(3年試用期)，本意想幫助各部門或減少支出，但係反而令本身的公務員等不滿，言而呢D政策又正正係政府自己搞出黎)
聘副局政助枉花錢
政府施政頻頻失誤，管治不濟，不單止惹起天怒人怨，連公務員也谷爆，昨日首度有公務員參加七一遊行，走上街頭控訴管理不善，行政混亂。多名公務員不約而同指出，當局實行三加三聘用制度後，嚴重打擊公務員士氣，但多年來向政府反映意見無效，最終惟有上街，昨日就有最少十個公務員分會帶同會員走出來公開抗爭，亦有公務員狠批曾蔭權亂花公帑，認為他應該下台。
公務員工會聯合會主席梁籌庭指出，為免令港府尷尬，昨日參與遊行的公務員都低調進行，亦沒有帶備橫額。他表示，參與遊行的公務員包括來自第一標準薪級、文書、測量、拯溺及機電工程署等不同職系的公務員。這次上街是要求政府取消若要正式成為公務員，必須經過三年試用期加三年合約的制度，他指三加三制度令年輕人不願加入政府，亦導致公務員工會無從發揮作用，十年來會員數目均停滯不前。工會多年來向公務員事務局反映不果，終令公務員忍無可忍。

鼓吹外判摧毀士氣
自稱是郵差的吳立賢亦力斥，實行三加三制度「hold住公務員青春」，加上當局鼓吹外判，嚴重打擊公務員士氣。至於自稱是郵政署低級職員的區先生則認為，今次不少公務員上街，必然與公務員薪酬調查的採樣問題有關，否則不會那麼多人；他續指公務員的薪酬一向加少減多，即使今次調薪時低層無影響，但質疑高級公務員要減薪是否合理，認為這亦影響公務員士氣。

此外，香港郵政合約員工權益會理事會主席謝天榮要求，當局應給予郵政署合約員工合理的薪酬待遇，雖然日前收到署方回信，承諾會讓合約員工在公眾假期放假以及減少加班，但未能滿足員工需求，例如合約員工一成的約滿酬金，有一半要由員方支付，所以仍然有五十人上街。

聘副局政助枉花錢
約三十名政府前線僱員總會成員要求當局將合約員工轉為長工，該會代表黃華興表示，會員多為食環署的低級職員，包括公務員和合約員工。他指出，合約員工的薪酬低，工作朝不保夕，應該轉為長工。而加入食環署已三十多年、昨日坐着輪椅遊行的劉先生更狠批，政府物色下任金管局總裁時沒有按照程序進行，又亂花公帑聘請副局長和政治助理，認為曾蔭權應該下台。
香港康樂事務職員總工會主席張兆榮則指出，昨日有百多名康文署職員參加遊行，不滿當局對康文署實行的新運作模式，是由外行人領導內行人，令前線人手崩潰，更是早前塌樹、小童在泳池溺斃等事件的主兇。他強調已多次向當局反映，但當局仍然未有正視問題，令員工不能容忍，所以決定參與遊行。
http://the-sun.on.cc/cnt/news/20090702/00405_001.html

例句

金融海潚下，好多畢業生都係找工作上浮浮沉沉，在家要上網寫CV寄履歷，好彩既就有interview，唔好彩既就繼續係屋企寄CV做量地官。
前排同D同學傾開，唔多唔少都會比D父母親戚"關心下"，
以下總結一D 父母親戚 Standard 左既說話：
剛剛畢業時
『唔緊要ga，乜工都做住先啦，人工低都唔好介意呀。』『Support你去XXX讀返個master』『去唔去我公司幫手，當學下野』
係屋企幾星期(網上找工作)
『好心你搵下工啦』『你唔好係屋企發毛/蛀米』『無野做就做家務』『唔好掛住成日玩電腦(可能其實係上緊jobsBB)』『人地個B仔都搵到XXX啦，你做乜咁耐都未搵到』
找到工作時
『唔緊要ga，乜工都做住先啦，人工低都唔好介意呀。』『當學下野啦』『幾錢人工？』『咩公司』『做咩ga？』
出糧時(假設做D人工比較低既工)
『乜比咁少家用』『咁辛苦養大你比果少少XXXX』『人地個B仔有$$$$，學下人地啦』『乜大學生得果$$$乍？』
出糧時(假設做D人工比較高既工) 『比多D都唔怕啦，返正你賺咁多』『都係幫你儲錢/投資』『請食飯』
但無乜人會話『海潚都搵到工，勁囉』之類既話。
係咪人通常喜歡"指導"+批評，我諗要再觀察下......

可愛？

學生時代總有些女同學喜歡用D(佢)稱為"可愛"既字。
『我地不如去食飯飯。』『我想借個杯仔、書仔。』
如果呢D字係係初中或者小學講，最多都係覺得可愛(或者扮可愛)，但係如果出自一個廿幾歲既社會人士/畢業生，我就會覺得好唔成熟同埋好難頂。
然後我係度諗到底咩驅使呢班女生咁講疊字同乜乜仔。
可能：
1. 同說話對象關系密切(e.g. with bf)
2.不想長大，想被保護
3.希望以弱者姿態示人，令人減少戒心(如果真係，呢D人就係玩office政治玩得好出神入化)
4.扮可愛(點解話係扮？因為正常人唔會咁講野)
只係想探討一下呢類人既心態，唔係想指責什麼港女之類的
歡迎補充

會計的迷思？

前幾日同我一個會計畢業既師兄吹開水，講到大家既人工問題。我位師兄上年畢業，佢係Big10，非big 4度做，畢業入去做就已經有5個位既人工，可惜經濟不境，人工打個折頭，依家同我睇齊，佢聽完都有D灰。

有時候覺得讀會計都幾慘，唔叻既人都入唔到會計，但係出到黎又要考試比幾皮，工作又辛苦無時間work life balance(好疑慮big 10既work life balance係堅定流)，仲要年年都好多會計學生出黎，人工就會被拉低。D人就話會計唔怕無工做，我睇返D會計同學，佢地話簽唔到經驗(for 會計C牌)既公司唔去，變相其實佢地可以選既工真係好少。

到底係喜歡會計，還是喜歡個C字，定係因為人工高，夠穩定呢？

我諗大部分人都係因為後者先選會計。
...............................................................................................................
香港呢個金融-oriented既城市，大部分人聽到某大公司(尤其是金融行業)MT就仆到去，但係上JobsBB度有時見到既MT工都係流既。Especially某些保險公司同IFA公司......新鮮人真係要睇清楚，唔好比個MT字眼騙了。

風險

返左幾星期工，開始對自己份工要做既野有D初步了解。

簡單D講就係選擇一些好既風險和拒絕一些不好的風險。(可能已經猜到我做既行業...)選擇一個風險之前一定要去考慮其過往的賠償紀錄，然後才計算其費用。當然，有可能因為過住賠償紀錄唔好而不受理。

出到黎做野先發現Excel的神奇，set公式呀之類既野真係難到無朋友。(當然唔係只係加減乘除果D)。Word既formating都好煩.......

上班後遺症

返左工一星期，自己既生理時鐘仲未習慣早睡早起(大學你訓到幾點都無人理你，夜晚玩通頂都得)依家朝早要飲返杯咖啡先夠醒神。

去港島返工，日日都見到紅隧都好塞車(我果區無港鐵)，好彩都可以準時返工，但係放工就無咁好彩，由德輔道到紅隧出口都塞緊，真係好慢。

呢幾日搵緊又平又快既方法返歸。

上班記

如果Audit既工作係對數字，咁我既工作就係對文字。一堆唔會有人(一般人)去留意既文字(但係對佢地係我既工作)
第一日上班就係坐+看文件(我諗呢個係每個辦公室新人既必經階段)笑

深圳

我以前有個疑問，點解香港人講廣東話，廣州人講廣東話，但係深圳人講普通話既？(明明深圳係廣州同香港中間喎)
後來得知係鄧小平提出經濟改革所以深圳成為左一個試點，全國各地既人都去深圳求財，所以深圳係乜人都有，大家就用普通話了。
呢個都唔係重點，重點係好多香港人覺得大陸好亂，個人覺得因為香港人大部分只接觸深圳，而當年去得深圳既人，通常都係自己果頭搵唔到食既低收入人士(比你係HK發左，你都唔會去大陸度做開荒牛啦,或者話有工做，D外籍傭工都唔會黎香港打工啦)，所以深圳乜人都有,比較龍蛇混雜。(資料經過內地同學提供，屬主觀意見，當然唔係話所有深圳人，我既意見只代表我自己並不代表任何人)
自己去過上海做實習，覺得唔係人地講到大陸有幾咁差(制度文化唔同無得講啦)，基建、娛樂同香港差唔多，硬件上係重點成市其實已經可以香港看齊(室內設計有很大的發展空間)，保護歷史建設，節約能源呢D方面仲好過HK。
只係......我仲係唔慣10p.m.就無地鐵。
當自己去過其他城市，然後同香港做比較，會發現香港其實有好多特別既地方。香港叫得做不夜城係有原因既。

見工面試(二)會計業-PwC

見PwC就真係唔係咁易，第一round,CV screening就西走好多人。準則不明(會計系未必有得去2nd round)傳聞要GPA達3.0以上才有機會。
第二Round有英文數學用作文test,每個約30mins，做對比做晒重要。做卷之前最好做下GMIT，作文部分可以做多雅思作文題。
結果又係唔知頭唔知路既情況下被K.O.了。

見工面試(一)會計業-德勤

係就係馬後炮，不過如果有幸比D師弟師妹睇到我個Blog，希望對佢地有D幫助。
首先第一round係CV screening,GPA,課外活動，工作經驗，獎項都係重要的因素(所以在學其間唔好咁hea)，呢個每項有D野寫下都ok ga。(我連covering letter同成績單都無比，只係比CV, 當然唔係要你學我)
第二round係性格測試，如實地做份問卷就ok。(雖然我用簡體中文作答，但係有D詞唔係好明......)
第三round Group interview，self intro+case study(~10mins)+討論(~30mins)+presentation(forget)，8個人一group，兩個面試官(1HR,1manager)目的係測試合作性，分析，表達，語文。加分Point:leadership, 計時報時，總結。
某大學更有詳盡攻略，坐位安排，時間分佈，加分point等......可見資源多待遇真係唔同既。
結果我瞎子摸象，到第三round就死了。第四round係individual interview，聽說係dept head接見。祝君好運。

文理分家

(當年)升上中四，學生就要選擇自己讀文科或是讀理科。
其實我唔喜歡咁樣分法，我成日有個疑問點解唔比我自己擇呢？中學時代我選了理科班，唔係因為我愛好Phy, Chem,bio，而係因為我十分討厭讀死背爛背既西史。我當時就在想，為啥我唔可以選phy,acc,econ，中史,chem。其實唔係唔可行，而係通常學校怕麻煩，一刀切，省了行政上的麻煩。讀七年中學其實都幾無謂(後話)。
讀大學時候就發現一個(滿有趣的)現象，文科出身既學生讀數學科就發出慘叫，理科出身既就寫paper寫到嘔白泡。注：我讀商科的。
文科訓練表達，語文；理科訓練思維、推理，為啥兩者不能並存呢？
到近排炒得熱洪洪的六四議題，我深感到自己對歷史的無知，然後就去買本信報財經月刊睇(找唔到Ther Prisoner of the State既中文版)。假如學校一半的人讀文一半人讀理，社會上就少了一半學生認識歷史，什至於中國歷史。
「滅人之國，必先去其史；隳人之枋，敗人綱紀，必先去其史；絕人之材，湮塞人之教，必先去其史；夷人之祖，必先去其史。」
愛國教育應該由學習歷史著手，連國家過去發生乜事都唔知，如何談得上愛國。(唔係係新聞時段播歌就等於愛國教育)

面試

經過兩個星期8場面試終於得到一個Offer.

其中最印象深刻的一場面試就是見證券行的dealer，首先要做一份測驗卷，測驗卷上寫了很多公司的上市編號並要求寫出公司名稱。心想：大可樂，幾隻大野就識e.g.0388,其他就完全唔識(什麼江西銅)....仲有就係發現我睇唔明中文，係睇唔明中文，果D乜乜點真係唔知係乜。結果當然就係死路一條。不過呢次面試比我見識左唔少野......起碼我知道維持保證金=maintaining margin，哈哈。(雖要話無經驗要求，但我好懷疑呢份工係請炒家而唔係蕃薯)

至於點解有offer，我覺得除左係有好多人係背後幫我外，自己都要show到比人睇我既誠意(不管係用乜形式)、自信、語文、思維。最重要係你能帶給公司些什麼。

現在這個經濟情況下我唔洗一個月就有Offer,我覺得自己真係好Lucky。

心態

以前既我好吝嗇付出的時間，覺得為啥我要比其他人付出更多。當時的我的確是少不更事，一切都只為自己著想，亦沒有很深入的去理會事情的本質。

前些天跟一位庄員聊過，很羨慕他能比我看透，他所得到的都是由自己爭取。當時我的成績不好，被派到一所不太好的大學，一心只希望能夠考好成績，改變別人的看法。現在看來，我拒絕了很多學習的機會。

經過上年的實習，我能夠從我老闆身上學懂很多東西，最主要的是我能夠理解他們的要求而不是繼續在自己角度想事情。身為老闆的對員工心態上的要求其實差不多，都是希望員工不要計較得到的都是自己，幫忙他人，多發問。

以前從來沒有人教導我該怎樣做(除了叫我努力讀書之外)，做人處事的技巧都要靠自己一點一點的經驗累積。幸好的是我得到一個啟蒙老師(他應該覺得我還是一個小朋友)，我比其他人而經獲得了很多，這些東西在書本上是沒有的。

我很認同一件事就是工資多少並不重要，重要的是你能證明自己的價值，到時候公司自然會給你一個合理的水平(否則他會怕其他公司搶人走)。

大學三年

話快唔快，話慢唔慢，三年既大學生涯差不多去到尾聲。

回顧下自己呢三年既生活，幸好有聽師兄講去上庄並從而豐富自己同認識一班好庄員。諗番起我地十幾個人一齊度份百幾頁既年度報告，consultation足足一個星期，真係唔係講笑。不過辛苦得黎係值得既。(拎本百幾頁既年度報告足以嚇死人)

可惜既係無去到exchange,否則就功德圓滿。

睇返身邊都有唔少同學唔去上庄唔去exchange，就咁不停讀書。我個人真係覺得好浪費青春。(尤其出去面試呢個體會更深)。有D人會話成績唔好就入唔到大公司，但係其實我覺得唔好太差就可以，好多大公司睇成績都只係頭果步，其實2nd upper都可以接受，之後都唔多點睇。反而如果成績太好e.g.First Hon.萬一D大公司唔請你，其他公司都唔係好敢請，怕你騎牛搵馬，做唔長。

另外仲發現一個現象，好多同學仲好似停留係學生時代。點解我咁講？前排話說有公司叫學校去做interview,大家好似柴娃娃去"學野"，跟據佢地既自我介紹，佢地唔覺得呢份係工，而係一邊比錢一邊學野既唔知乜。我終於明白點解D人成日話大學生唔得唔得，唔知係佢地未知世途險惡定係面試次數不夠，呢個時勢邊有比錢你黎學野嫁？老細比錢你黎解決問題嫁。