深圳

我以前有個疑問，點解香港人講廣東話，廣州人講廣東話，但係深圳人講普通話既？(明明深圳係廣州同香港中間喎)
後來得知係鄧小平提出經濟改革所以深圳成為左一個試點，全國各地既人都去深圳求財，所以深圳係乜人都有，大家就用普通話了。
呢個都唔係重點，重點係好多香港人覺得大陸好亂，個人覺得因為香港人大部分只接觸深圳，而當年去得深圳既人，通常都係自己果頭搵唔到食既低收入人士(比你係HK發左，你都唔會去大陸度做開荒牛啦,或者話有工做，D外籍傭工都唔會黎香港打工啦)，所以深圳乜人都有,比較龍蛇混雜。(資料經過內地同學提供，屬主觀意見，當然唔係話所有深圳人，我既意見只代表我自己並不代表任何人)
自己去過上海做實習，覺得唔係人地講到大陸有幾咁差(制度文化唔同無得講啦)，基建、娛樂同香港差唔多，硬件上係重點成市其實已經可以香港看齊(室內設計有很大的發展空間)，保護歷史建設，節約能源呢D方面仲好過HK。
只係......我仲係唔慣10p.m.就無地鐵。
當自己去過其他城市，然後同香港做比較，會發現香港其實有好多特別既地方。香港叫得做不夜城係有原因既。